名古屋亞運｜男佩陳樂熹八強、何柏霖16強同敗吳尚旭 女佩薛雅齊梁洛文止步
名古屋亞運男子佩劍個人賽周三（9月23日）舉行，港隊兩名劍手陳樂熹及何柏霖先後喺韓國名將吳尚旭劍下止步，無緣頒獎台。
陳樂熹喺小組賽5戰全勝，一路殺入8強，惟8強遇上巴黎奧運金牌得主吳尚旭，最終以6:15落敗，無緣四強。何柏霖小組賽5戰僅得1勝，仍驚險出線，16強同樣碰上吳尚旭，以9:15告負，16強止步。
何柏霖賽後表示，今日分組賽已表現不佳，所以入到淘汰賽已處於「放手一搏」嘅心態；16強再鬥吳尚旭，佢感受到對手已有針對性應對，所以最終告負。佢希望可以憑今次經驗，喺團體賽有更好發揮。