李小龍係邊個，相信唔駛多講大家都知道。但李小龍同劍擊又有乜關係呢? 咁就要從截拳道說起。
截拳道（英語：Jeet Kune Do，英文簡稱 JKD，為粵語音譯）係武術家李小龍喺生前構思並實行嘅一套近代「武術哲學」。其武學汲取並融合了世界各國各式武術，但主要以詠春拳為截拳道的核心及發展根基、以拳擊（boxing）與劍擊（fencing，即西洋劍術）作為進化因素。
喺李小龍嘅著作《截拳道之道》入面嘅借鑑和引用材料當中，劍擊佔咗四分之三之多。而且，截拳道亦大量融合引用劍擊喺距離，步法，進攻和防守策略。
李小龍嘅哥哥李忠琛曾經係重劍同花劍嘅冠軍，李忠琛曾經代表學校參加了多項比賽，包括1958年喺威爾斯舉辦的英聯邦運動會。喺比賽當中，李忠琛參加咗三個項目：個人花劍，團體重劍和個人重劍。由於李小龍同佢哥哥感情好好，後來，李小龍對劍擊運動都逐漸產生咗濃厚興趣。李小龍深深為劍擊運動中的步伐而著迷，而且不斷尋找通過融合劍擊步伐同武術動作而提高自己嘅格鬥技巧嘅方法。李忠琛仲介紹李小龍研讀了劍擊大師Aldo Nadi的相關著作，呢一切都對李小龍日後嘅武學創造有著不可磨滅嘅作用。
而在其後李小龍創立嘅截拳道當中，劍擊就成為咗三大元素當中嘅其中之一。其實，截拳道融合咗相當多嘅劍擊元素：例如實戰姿勢，步法，防禦同進攻等等。事實上李小龍亦曾經以「不用劍的劍擊」嚟描述自己嘅獨創武術流派。
除此之外，李小龍仲喺截拳道當中借鑑咗大量劍擊術語，當中大家最為熟悉嘅劍擊術語就係，「On Guard」。(截拳道的準備姿勢)
以下原則是李小龍喺《Jeet Kune Do》一書中彙整嘅觀念。佢認為普世而自然嘅格鬥原則其實非常淺顯易懂。總括嚟講，截拳道嘅兩大核心精神就係：
1. 攻擊係最好嘅防禦：呢個就係「截拳」嘅淺白表示觀念。(其實與劍擊中講求進攻權意識有啲相似)
2. 實用、簡單、迅速：一切動作以實用，與勝利為目標。(正如劍擊當中劍手們因應不同情況而做出不同嘅進攻動作，目的都係得一個，有效刺中並得分)
李小龍認為，要發起攻擊另一個人，就必然要向對方移動，而移動就必然地會比對方「截」擊嘅機會。截擊嘅觀念不只限於物理攻擊，佢認為有好多非言語嘅訊息（對手沒發現嘅微弱動作）都能被偵測到，並用以「截擊」。就如有劍擊比賽中，有啲觀察力強嘅劍手，往往能夠透過觀察到對手微弱動作嘅意圖，並且喺對手發動進攻前作出準備，加以截擊和避開對方嘅進攻。
以下係截拳道一啲基本攻擊戰術
SDA（Single Direct Attack）：直接單擊，例如：前手直拳（Straight Lead）擊對方頭部，或是起前腿踢出下段側踹踢（Side Kick）攻擊對方膝蓋等。
SAA（Single Angle Attack）：有角度的單擊，例如：前手鉤拳（Hook Punch）擊對方面頰，或是起前腿踢出「鉤踢（Hook Kick）」攻擊對方下陰等。
ABC（Attack By Combination）：連續攻擊，例如：前手刺拳擊頭→後手直拳擊頭→前手掌底鉤擊左邊面頰→後手上擊拳擊下巴→後腿鉤踢擊下腹→對方跪地→膝撞對方口鼻→對方倒臥地上→腳尖踢擊對方太陽穴→腳跟踩對方後腦。
例如：雙方同時右前樁，雙方右前臂同時接觸，我方用左手按在對方的右前臂上，使對方右前臂不能進一步攻擊，同時間我方用右手使出「背拳（Back Fist）」擊對方右面頰（類似詠春拳的「拍打」）。
ABD（Attack By Drawing）：誘擊，例如：我方刻意放低雙手少許，露出頭部弱點，成功引誘對方後直拳攻來，我方閃致敵方側面，組合拳擊打對方肋骨和從身體側面反擊。
PIA（Progressive Indirect Attack）：佯攻，俗稱「聲東擊西」，例如：我方前手直拳佯攻對方胸腹部，對方注意力向下方提防，前手快速改為「標指」攻擊對方雙眼。
唔知道大家睇完上面嘅基本攻擊戰術，有冇發現當中同劍擊嘅技術有好多相同之處呢?
SDA（Single Direct Attack）：直接單擊 – 簡單直接弓步?
SAA（Single Angle Attack）：有角度的單擊 – 點刺?
ABC（Attack By Combination）：連續攻擊 – 複雜進攻? 延續進攻?
ABD（Attack By Drawing）：誘擊 – 根本同劍擊戰術一樣
PIA（Progressive Indirect Attack）：佯攻 –根本同劍擊戰術一樣
唔知道睇完小篇以上嘅文章，大家會唔會對劍擊有另一番領悟呢?
最後，唔想錯過劍擊日記嘅內容，快啲註冊成為我們會員、LIKE我哋嘅FACEBOOK 專頁、INSTAGRAM，分享比更多身邊嘅劍友啦！
Facebook 專頁: https://www.facebook.com/fencingdiary
Instagram: https://www.instagram.com/fencingdiaryig/
Comentarios